Ռուսական հրթիռային և անօդաչու թռչող սարքերի հերթական հարվածների հետևանքով Կիևում զոհվել է առնվազն 9 մարդ, ևս 46-ը վիրավորվել են, այդ թվում՝ առնվազն հինգ երեխա: Այս մասին հայտնում է «BBC»-ին:
Հարձակումը տեղի է ունեցել Թուրքիայում կայանալիք ՆԱՏՕ-ի գագաթնաժողովից ընդամենը մեկ օր առաջ, որտեղ նախատեսվում է Ուկրաինայի նախագահ Վոլոդիմիր Զելենսկու և ԱՄՆ նախագահ Դոնալդ Թրամփի հանդիպումը։
Հարվածներից ժամեր առաջ Զելենսկին հայտարարել էր, որ ուկրաինական հետախուզությունը տեղեկություններ ունի, ըստ որոնց՝ Մոսկվան պատրաստվում է Կիևի դեմ նոր զանգվածային հարձակման։
Հիշեցնենք, որ անցած շաբաթ Ռուսաստանի իրականացրած լայնածավալ հարձակումների հետևանքով Կիևում զոհվել էր առնվազն 30 մարդ։ Ուկրաինան Մոսկվային մեղադրում է քաղաքացիական ենթակառուցվածքները դիտավորյալ թիրախավորելու մեջ, մինչդեռ Ռուսաստանը պնդում է, որ հարվածները հասցվել են ռազմական և էներգետիկ օբյեկտներին՝ ի պատասխան ռուսական տարածքում ուկրաինական հարձակումների։
ՆԱՏՕ-ի գագաթնաժողովից առաջ Զելենսկին կրկին կոչ է արել դաշնակիցներին արագացնել Ուկրաինային հակաօդային պաշտպանության և հեռահար հրթիռների մատակարարումները:
Հետևեք մեզ տելեգրամում
