Ռուսաստանի մի շարք շրջաններում բենզինի պակասի պատճառով լարված իրավիճակ է ստեղծվել․ վառելիքի լցակայաններում երկար հերթերը հաճախ վերածվում են կոնֆլիկտների, իսկ որոշ դեպքերում՝ նույնիսկ ծեծկռտուքների։ Այս մասին գրում է «Մեդուզան»։
Ըստ հրապարակման՝ վառելիքի ճգնաժամը կապված է Ռուսաստանի նավթային ենթակառուցվածքների ուղղությամբ ուկրաինական անօդաչու թռչող սարքերի հարվածների հետ։ Դրա հետևանքով որոշ շրջաններում մարդիկ ստիպված են լինում բենզին գնելու համար ժամերով սպասել։ Լարվածությունը մեծանում է նաև այն պատճառով, որ երբեմն վարորդները փորձում են շրջանցել հերթը, ինչի հետևանքով առաջանում են վեճեր և բախումներ։ Որոշ դեպքերում իրավիճակին միջամտում են իրավապահները։
Հրապարակման համաձայն՝ դժգոհություն է առաջացնում նաև այն հանգամանքը, որ մի շարք լցակայաններում առանց հերթի սպասարկվում են պաշտոնյաների մեքենաներ, իսկ որոշ վայրերում արտոնյալ խմբերի ցանկերում ներառվել են նաև Ուկրաինայի դեմ պատերազմին մասնակցած զինծառայողները և նրանց ընտանիքները։
Հետևեք մեզ տելեգրամում
