ԱՄՆ նախագահ Դոնալդ Թրամփը ՆԱՏՕ-ի գագաթնաժողովի մեկնարկին կրկին հայտարարել է, որ Գրենլանդիան պետք է գտնվի Միացյալ Նահանգների վերահսկողության ներքո՝ պնդելով, որ Դանիան բավարար ներդրումներ չի կատարում կղզու անվտանգության ապահովման համար: Այս մասին հայտնում է «Euronews»-ը։
Թրամփը լրագրողների հետ զրույցում նշել է, որ Գրենլանդիան ռազմավարական նշանակություն ունի ԱՄՆ-ի համար՝ ընդգծելով, որ այն գտնվում է ռուսական և չինական նավերի ակտիվության գոտում։
«Գրենլանդիան Դանիային չի օգնում։ Դանիան բավարար միջոցներ չի ծախսում Գրենլանդիայի անվտանգության համար, սակայն այն կարևոր նշանակություն ունի Միացյալ Նահանգների համար»,- ասել է նա։
Միաժամանակ Թրամփը խոստովանել է, որ այս տարվա սկզբին Գրենլանդիայի նկատմամբ վերահսկողություն հաստատելու վերաբերյալ իր հայտարարությունները, այդ թվում՝ ռազմական ուժի կիրառումը չբացառելը, բացասաբար են անդրադարձել ՆԱՏՕ-ի դաշնակիցների հետ հարաբերությունների վրա։
Հետևեք մեզ տելեգրամում
