Իրանական «Pars Air» ավիաընկերությունը հուլիսի 5-ից մեկնարկել է Շիրազ-Երևան-Շիրազ երթուղով կանոնավոր թռիչքները: Այս մասին հայտնում են իրանական ԶԼՄ-ները:
Չվերթներն իրականացվում են «CRJ200» տիպի ինքնաթիռներով՝ շաբաթական երկու անգամ՝ յուրաքանչյուր կիրակի և հինգշաբթի օրերին:
Ըստ սահմանված չվացուցակի՝ ինքնաթիռը Շիրազից մեկնում է առավոտյան ժամը 07:15-ին, իսկ հետադարձ չվերթով Շիրազ է վերադառնում 12:45-ին:
Նոր երթուղու գործարկումը նպատակ ունի ընդլայնել Հայաստանի և Իրանի միջև օդային կապն ու նպաստել երկկողմ զբոսաշրջային ու գործարար կապերի աշխուժացմանը:
Հետևեք մեզ տելեգրամում
