Թուրքիան ու Ադրբեջանը ռազմական համագործակցության զարգացման հարցեր են քննարկել

Ադրբեջանի պաշտպանության նախարար Զաքիր Հասանովը հանդիպել է թուրքական «Baykar» ընկերության տնօրենների խորհրդի նախագահ Սելչուկ Բայրաքթարի գլխավորած պատվիրակության հետ։ Այս մասին հայտնում են ադրբեջանական լրատվամիջոցները։

Ըստ Ադրբեջանի ՊՆ հաղորդագրության՝ հանդիպման ընթացքում կողմերն անդրադարձել են երկու երկրների միջև ռազմական ու ռազմատեխնիկական համագործակցությանը և քննարկել համատեղ արտադրական կարողությունների զարգացման հեռանկարները:

Հանդիպմանը մանրամասն քննարկվել են անօդաչու թռչող սարքերի, էլեկտրոնային պայքարի միջոցների կիրառմանը և երկկողմ հետաքրքրություն ներկայացնող այլ ոլորտներին առնչվող հարցեր։