ՀՀ Վիճակագրական կոմիտեն տվյալներ է հրապարակել Հայաստանում գնաճի վերաբերյալ։ Ըստ դրանց՝ 2026-ի հունիսին, նախորդ տարվա նույն ժամանակահատվածի համեմատ, Հայաստանում գնաճը կազմել է 5.1 %։ Փոխանցում է «Պանորամա»-ն:
Առավել շատ թանկացել են առաջին անհրաժեշտության ապրանքները և ծառայությունները։ Մասնավորապես՝ սննդամթերքը թանկացել է 8.8 %-ով, ալյուրն ու ձավարեղենը՝ 4.6 %-ով, տավարի միսը՝ 23.4 %-ով, ձուկ-ծովամթերքը 44 %-ով, կաթնամթերքը, 14.5 %-ով, ձուն՝ 30 %-ով, մրգերը 16.8 %-ով, բանջարեղենը 12.7 %-ով, սպիրտային խմիչքները՝ 10.7 %-ով, ծխախոտը՝ մոտ 7 %-ով, բենզինը՝ 10.4 %-ով, դիզվառելիքը՝ 19 %-ով , հեղուկ գազը՝ 76.2 %-ով։
Հատկանշական է, որ ծառայություններից առողջապահությունը թանկացել է 3.5 %-ով, կինոթատրոնները, թատրոնները մշակութային միջոցառումները՝ 22.9 %-ով, մշակութային միջոցառումների ծառայությունները՝ 12.6 %-ով, հանգստի կազմակերպման համալիր ծրագիրը՝ 15.9 %-ով, միջազգային հանգստի կազմակերպման ծառայությունները՝ 24.4%-ով, կրթությունը՝ 8.3 %-ով։
Միաժամանակ 4.4 %-ով նվազել են գրքերի և թերթերի գները, ձիթապտղի յուղինը՝ 7.1%-ով, կարտոֆիլինը՝ 7.4 %-ով, ավոտմեքենաներինը՝ 7.5 %-ով։
Հետևեք մեզ տելեգրամում
