Օգոստոսի 7-ին Թաիլանդի մայրաքաղաք Բանգկոկի արվարձանում գտնվող «Դեբսիրին Նոնթաբուրի» դպրոցում ողբերգական դեպք է տեղի ունեցել. 14-ամյա զինված դեռահասը կրակ է բացել աշակերտների և ուսուցիչների ուղղությամբ։ Կա առնվազն 6 զոհ, 20-ից ավելի վիրավոր: Այս մասին հայտնում է CNN-ը:
Վիրավորներից 9-ի վիճակը ծայրահեղ ծանր է: Զոհերից 3-ը ուսուցիչներ են, ամենափոքր զոհը 12 տարեկան է: Հարձակումից հետո դեռահասն ինքնասպան է եղել: Փրկարարները դպրոցում ստեղծված իրավիճակը բնութագրել են որպես «կատարյալ քաոս»:
Թաիլանդի վարչապետ Անուտին Չարնվիրակուլը իր ցավակցությունն է հայտնել զոհվածների ընտանիքներին և տեղի ունեցածն անվանել «սարսափելի ողբերգություն, որը չպետք է տեղի ունենար»։ «Ես համապատասխան պաշտոնյաներին ուղարկել եմ դեպքի վայր։ Սա սարսափելի է։ Ես ցավում եմ ոչ միայն զոհվածների համար, այլև այն փաստի, որ նման միջադեպ կարող էր տեղի ունենալ մեր երկրում», – նշել է Անուտին Չարնվիրակուլը։
Հետևեք մեզ տելեգրամում
