Հյուսիսային Կիպրոսի ինքնահռչակ թուրքական հանրապետության իշխանությունները նախատեսում են ներդնել միգրացիոն վերահսկողության նոր E-Vize էլեկտրոնային համակարգը, որի առաջին փուլում կընդգրկվեն Հայաստանի, Սիրիայի և Նիգերիայի քաղաքացիները։ Նշված երկրների քաղաքացիների համար գործող հյուպատոսական վիզայի համակարգը կվերացվի և կփոխարինվի էլեկտրոնայինով։ Այս մասին հայտնում է «kıbrıspostası.com» լրատվական կայքը։
ՀԿԹՀ այսպես կոչված վարչապետ Ունալ Ուսթելի խոսքով՝ նոր համակարգի նպատակն է միգրացիոն և անվտանգության ստուգումները սկսել դեռևս մինչև օտարերկրյա քաղաքացու՝ Հյուսիսային Կիպրոս ժամանելը։ E-Vize-ի դիմումները նախնական ուսումնասիրություն կանցնեն Միգրացիայի վարչությունում, իսկ այցի նպատակից կախված՝ կստացվեն նաև ոստիկանության և համապատասխան այլ կառույցների եզրակացությունները։
«Մեր պետությունը պետք է իմանա, թե ով, ինչ նպատակով, երբ և ինչ կարգավիճակով է ժամանել երկիր։ Երկիր մուտք գործող յուրաքանչյուր անձ պետք է հաշվառված լինի»,- հայտարարել է Ուսթելը։
Նոր կարգավորումը վերաբերելու է նաև Հյուսիսային Կիպրոսի ինքնահռչակ թուրքական հանրապետության համալսարաններում սովորել ցանկացող ՀՀ քաղաքացիներին։ Համալսարանից ընդունելության փաստաթուղթ ստանալն այլևս ինքնին բավարար չի լինի մուտքի համար․ ուսանողները պետք է նախ անցնեն E-Vize-ի ընթացակարգը։ Դրական որոշման դեպքում նրանց կտրամադրվի մուտքի թույլտվություն և օտարերկրացու նույնականացման համար, ինչը հնարավորություն կտա միասնական համակարգում վերահսկել ամբողջ գործընթացը՝ երկիր մուտքից մինչև համալսարանում գրանցում և կացության թույլտվության ձևակերպում։
Նշենք, որ Հայաստանի քաղաքացիների համար Հյուսիսային Կիպրոս մուտք գործելու վիզային պահանջը նոր չէ։ Նոր կարգավորմամբ փոխվում է վիզայի ստացման մեխանիզմը՝ գործող հյուպատոսական վիզային համակարգից անցում կատարելով էլեկտրոնային E-Vize համակարգի։
Այո, որպես բեքգրաունդ կարելի է ավելացնել այս հատվածը՝
Հյուսիսային Կիպրոսի ինքնահռչակ թուրքական հանրապետությունը միջազգային մակարդակով ճանաչված չէ որպես անկախ պետություն․ այն ճանաչում է միայն Թուրքիան։ Հայաստանը դիվանագիտական հարաբերություններ ունի Կիպրոսի Հանրապետության հետ, որոնք հաստատվել են 1992 թվականի մարտի 18-ին։ Երևանն ու Նիկոսիան ունեն սերտ քաղաքական և միջպետական համագործակցություն, վերջին տարիներին երկու երկրներում բացվել են նաև ռեզիդենտ դեսպանություններ։ Իսկ Հյուսիսային Կիպրոսի ինքնահռչակ վարչակազմի հետ ՀՀ-ն պաշտոնական դիվանագիտական հարաբերություններ չունի, և վիզային կամ մուտքի հարցերը կարգավորվում են հենց այդ վարչակազմի սահմանած առանձին ընթացակարգերով։
Հետևեք մեզ տելեգրամում
