«Խաղաղության խաչմերուկի ապագան. Արհեստական բանականություն, անվտանգություն և թվային ինքնիշխանություն» թեմայով փորձագիտական կլոր սեղան-քննարկման ժամանակ ՀՀ տարածքային կառավարման և ենթակառուցվածքների նախարարության էներգետիկ տարածաշրջանային շուկաների բաժնի պետ Հովհաննես Աբրահամյանն անդրադարձել է Հայաստան-Իրան և Հայաստան-Վրաստան էլեկտրահաղորդման գծերի կառուցման ընթացքին։
Նրա խոսքով՝ Հայաստան-Իրան էլեկտրահաղորդման նոր գիծը պատրաստ է 85 տոկոսով։ Ըստ Աբրահամյանի՝ ծրագիրը ձգձգվում է ոչ հայկական կողմի պատճառով, որը կատարել է իր բոլոր պարտավորությունները։ Նա նշել է, որ նախատեսվում է առաջիկա մեկ-երկու տարում ծրագիրը հասցնել ավարտին։
Անդրադառնալով Հայաստան-Վրաստան էլեկտրահաղորդման գծին՝ Աբրահամյանը նշել է, որ ծրագիրը բաժանված է երեք լոտի, որոնցից յուրաքանչյուրի ուղղությամբ արդեն որոշակի առաջընթաց կա։ Առաջիկայում նախատեսվում է պայմանագրերի կնքում, որից հետո կսկսվեն շինարարական աշխատանքները։
Աբրահամյանը նշել է, որ էլեկտրահաղորդման ցանցն ամբողջությամբ պատրաստ կլինի 2031-2033 թվականներին։
Հետևեք մեզ տելեգրամում
