ՀՀ տարածքային կառավարման և ենթակառուցվածքների նախարարության էներգետիկ տարածաշրջանային շուկաների բաժնի պետ Հովհաննես Աբրահամյանը Region Monitor-ի հետ զրույցում անդրադարձել է Հայաստանի և Իրանի էներգետիկ համագործակցությանը, նշելով, որ Հայաստանը շարունակում է Իրանից բնական գազ ստանալ «գազ՝ էլեկտրաէներգիայի դիմաց» ծրագրի շրջանակում։
Աբրահամյանի խոսքով՝ այս պահին Իրանից գազի ներկրման ծավալների ավելացման կոնկրետ խոչընդոտ չկա։ Գործող պայմանագրերով սահմանված են փոխանակման ծավալները, իսկ հետագա հնարավոր փոփոխությունները կախված կլինեն իրավիճակից և կողմերի բանակցություններից։
Նա նշել է, որ Հայաստանը նաև կառուցում է Իրան-Հայաստան նոր էլեկտրահաղորդման գիծ, որի միջոցով նախատեսվում է ավելացնել դեպի Իրան էլեկտրաէներգիայի արտահանման ծավալները։ Աբրահամյանի խոսքով՝ Մերձավոր Արևելքում ստեղծված իրավիճակը մինչ այս պահը որևէ կերպ չի անդրադարձել Հայաստանի և Իրանի էներգետիկ համագործակցության վրա, որը շարունակվում է բնականոն հունով:
Պատերազմը ոչ մի կերպ չի ազդել Հայաստան-Իրան էներգետիկ համագործակցության վրա. Աբրահամյան
Հետևեք մեզ տելեգրամումՎերջին լուրեր
