Հունիսի 15-Ին Իրանի արտգործնախարար Մոհամմադ Ջավադ Զարիֆը Թուրքիա այցի ընթացքում հանդիպել է իր պաշտոնակից Մևլյութ Չավուշօղլուի հետ։ Կողմերը քննարկել են Աստանայի գործընթացին, ահաբեկչության դեմ պայքարին առնչվող հարցեր։
Իրանի արտգործնախարարը հայտնել է, որ առաջիկայում տեսակապի միջոցով կկայանա Իրանի, Թուրքիայի և Ռուսաստանի նախագահնեի հանդիպումը, ինչից հետո երեք երկրների ղեկավարները կհանդիպեն նաև Թեհրանում։
Հանդիպմանը պաշտոնյաները քննարկել են նաև երկկողմ առևտրային հարաբերություններին, կորոնավիրուսի դեմ պայքարում համագործակցությանն առնչվղ հարցեր։
Չավուշօղլուն ընդգծել է, որ Թուրքիան չի ճանաչում Իրանի նկատմամբ Միացյալ Նահանգների միակողմանի պատժամիջոցները։ Թուրք պաշտոնյան նաև նշել է, որ օգոստոսին կվերսկսվի Իրանի հետ ավիահաղորդակցությունը։
Զարիֆն իր հերթին անդրադարձել է իրանա-թուրքական գազատարը վերանորոգելու և Թուրքիա գազի մատակարարումը վերսկսելու հարցին։
Նշենք,որ մարտի վերջին Թուրքիայի տարածքում հարձակում էր եղել իրանա-թուրքական գազատարի վրա, ինչից հետո Իրանից Թուրքիա գազի մատկարարումը դադարեցվել էր։ Իրանցի պաշտոնյաների պնդմամբ՝ Անկարան մինչև այժմ չի վերանորոգել գազատարը, միաժամանակ չի ընդունել այն վերանորոգելու իրանական կողմի առաջարկը։
Հետևեք մեզ տելեգրամում
