Երևանը «Աերոֆլոտ»-ի ամառային ամենապահանջված ուղղությունների եռյակում է

Երևանը ներառվել է «Աերոֆլոտ»-ի՝ 2026 թվականի ամռանը Մոսկվայից իրականացվող ամենապահանջված միջազգային չվերթների եռյակում։

Ընկերության տվյալներով՝ ամռան երեք ամիսներին միջազգային չվերթների ուղևորներն ամենից հաճախ Մոսկվայից մեկնել են Անթալիա, Ստամբուլ և Երևան։

«Աերոֆլոտ» խմբի ավիաընկերությունները՝ «Աերոֆլոտ»-ը, «Ռոսիա»-ն, «Պոբեդա»-ն և iFly-ը, ամռան ընթացքում ընդհանուր առմամբ տեղափոխել են 16,3 մլն ուղևոր։ Դրանցից 8,6 մլն-ը բաժին է ընկել «Աերոֆլոտ»-ի չվերթներին։

Նշվում է, որ խմբի ավիաընկերությունների ուղևորափոխադրումների ծավալն այս ամռանը մոտավորապես պահպանվել է նախորդ տարվա մակարդակում։