ԱՄՆ նախագահ Դոնալդ Թրամփը Չինաստանի նախագահ Սի Ծինփինի՝ ԱՄՆ կատարած պետական այցի ընթացքում առաջարկել է ԱՄՆ-ի, Ռուսաստանի և Չինաստանի միջև եռակողմ բանակցություններ սկսել սպառազինությունների վերահսկման շուրջ։ Այս մասին Սպիտակ տունը հրապարակել է փաստաթուղթ, որում ներկայացվում են ԱՄՆ-Չինաստան հարաբերությունների զարգացման ուղղությամբ ձեռք բերված պայմանավորվածությունները։
Փաստաթղթի համաձայն՝ Թրամփն ու Սի Ծինփինը քննարկել են խաղաղության և բարգավաճման խթանման հարցերը՝ ամբողջ աշխարհում բիզնեսների և սպառողների վստահությունը բարձրացնելու նպատակով։
Երկու առաջնորդները քննարկել են նաև Ռուսաստանի, Հյուսիսային Կորեայի և Իրանի շուրջ միջազգային խնդիրները։ Նրանք համաձայնել են, որ Իրանը երբեք չպետք է միջուկային զենք ունենա, ինչպես նաև որ որևէ երկիր կամ կառույց չպետք է կարողանա վճարներ սահմանել միջազգային ջրային ուղիների օգտագործման համար։
Երկու երկրները պայմանավորվել են փոխադարձ հարգանքի, արդարության և փոխադարձության հիման վրա ռազմավարական կայունության կառուցողական հարաբերություններ ձևավորելու շուրջ։
Կողմերը նաև պայմանավորվել են աջակցել միմյանց՝ որպես «Մեծ քսանյակի» (G20) և Ասիա-խաղաղօվկիանոսյան տնտեսական համագործակցության (APEC) կազմակերպությունների համապատասխանաբար ընդունող երկրների։
Հետևեք մեզ տելեգրամում
