Մերձմոսկովյան շրջանում անօդաչու թռչող սարքերի հարձակման հետևանքով երկու բնակիչ է զոհվել, ևս 9 մարդ վիրավորվել է։ Այս մասին հայտնել է Մոսկվայի մարզի ղեկավար Անդրեյ Վորոբյովը, փոխանցում է «РИА Новости»-ն։
Վորոբյովի խոսքով՝ Դոմոդեդովոյի Բարիբինո բնակավայրում փլատակների տակ հայտնաբերվել է 71-ամյա տղամարդու մարմինը։ Նույն տանը գտնվող կինը վիրավորվել է: Սոլնեչնոգորսկի շրջանի Ռադումնա բնակավայրում զոհվել է 20-ամյա տղամարդ։
Վորոբյովը հայտնել է, որ Մոսկվայի մարզի ուղղությամբ արձակված անօդաչուներից 185-ը ոչնչացվել են։ Նրա խոսքով՝ հարձակումը մարզի վրա ամենախոշորներից մեկն էր: Մոսկվայի քաղաքապետ Սերգեյ Սոբյանինն իր հերթին հայտնել է, որ նախորդ երեկոյից Մոսկվայի ուղղությամբ շարժվել է ավելի քան 600 անօդաչու, որոնք, ըստ նրա, ոչնչացվել են։
Հետևեք մեզ տելեգրամում
