ԱՄՆ նախագահ Դոնալդ Թրամփը Ֆրանսիայում վերջին օրերին տեղի ունեցած անկարգությունների համար մեղադրել է երկրի ներգաղթային քաղաքականությունը՝ հայտարարելով, թե Փարիզը շուտով կարող է դառնալ մահմեդական քաղաք։ Այս մասին նա ասել է հոկտեմբերի 19-ին՝ Սպիտակ տան մոտ պատասխանելով լրագրողների հարցերին։
Նա պնդել է, որ տարիներ առաջ Ֆրանսիայի նախագահ Էմանուել Մակրոնին խորհուրդ է տվել փակել երկրի սահմանները, սակայն վերջինս չի հետևել այդ խորհրդին։ Թրամփի հայտարարության համաձայն՝ ներգաղթային քաղաքականությունը փոխում է Փարիզի դեմքը։
Հոկտեմբերի 17-ին Ֆրանսիայի մի շարք քաղաքներում բողոքի ցույցերն ուղեկցվել են անկարգություններով, խանութների թալանով և բախումներով։ Բողոքի ակցիաների պատճառներից էին կյանքի թանկացումը, կրթական խնդիրներն ու ոստիկանության գործողությունների նկատմամբ դժգոհությունը։ Ֆրանսիայի իշխանությունները հայտնել են հազարավոր ձերբակալությունների և հարյուրավոր տուժած ոստիկանների մասին։
Հետևեք մեզ տելեգրամում
