Թեհրանը կձեռնարկի այնպիսի գործողություններ, որոնք ԱՄՆ-ին կստիպեն զղջալ անցյալ շաբաթ իրանական ուղևորատար ինքնաթիռի նկատմամբ ոտնձգությունների համար: Այս մասին հայտարարել է Իրանի ԱԳՆ պաշտոնական ներկայացուցիչ Աբբաս Մուսավին։
Նրա խոսքով՝ ամերիկյան կործանիչների գործողությունները Սիրիայի և Լիբանանի օդային տարածքում «Mahan Air» ավիաընկերության նկատմամբ վտանգավոր էին՝ անվանելով դրանք «ահաբեկչական», որոնք խախտում են միջազգային նորմերը:
«Արտաքին գործերի նախարարությունը, Զինված ուժերի գլխավոր շտաբի, դատական համակարգի և քաղաքացիական ավիացիայի աջակցությամբ, կձեռնարկի անհրաժեշտ միջոցներ, որոնք ամերիկացիներին կստիպեն ափսոսալ իրենց արածի համար»,- ասել է Մուսավին։
Ավելի վաղ Իրանի Քաղաքացիական ավիացիայի կազմակերպությունը հաղորդել էր, որ Իրանը պաշտոնապես իր բողոքն է հայտնել ՔԱՄԿ-ի (ICAO) Խորհրդին՝ պահանջելով անհապաղ ուսումնասիրել իրանական «Mahan Air» իրանական ուղևորատար ինքնաթիռի վերաբերյալ միջադեպը, որը թռչում էր Թեհրանից Բեյրութ:
Միացյալ Նահանգները, իր հերթին, հայտարարել է, որ ԱՄՆ ռազմաօդային ուժերի F-15 ինքնաթիռները մեկ կիլոմետր հեռավորության վրա ուղեկցել են իրանական ինքնաթիռը՝ հաշվի առնելով միջազգային չափանիշները:
Հետևեք մեզ տելեգրամում
