Արաբական Միացյալ Էմիրությունների Դաշնային ազգային խորհրդի Պաշտպանության, ներքին գործերի և արտաքին հարաբերությունների հանձնաժողովի նախագահ Ալի Ռաշիդ ալ Նուայմին հայտնել է, որ ԱՄԷ-ի թագաժառանգ Մուհամեդ բեն Զայեդը ցանկանում է անձամբ այցելել Երուսաղեմ, քանի որ նա «համապարփակ խաղաղություն» է փնտրում Իսրայելի հետ:
«Մուհամմադ բեն Զայեդը հավատում է, որ ԱՄԷ-ն պետք է առաջ տանի տարածաշրջանում և աշխարհում ծայրահեղականության դեմ առաքելությունը, ու դրան հասնելու համար պետք է նպաստենք խաղաղությանը, փնտրենք խաղաղությանը հավատացող գործընկերներ: Եվ եթե տարածաշրջանում խաղաղություն ես ուզում, պետք է խաղաղություն կնքես Իսրայելի հետ: Սա առաջին քայլն է, և սա ուժեղ ուղերձ է»,-ասել է էմիրաթցի բարձրաստիճան պաշտոնյան:
Հիշեցնենք, որ Իսրայելը և ԱՄԷ-ն օգոստոսի 13-ին հայտարարեցին հարաբերությունները կարգավորելու մասին, որին հաջորդեց դեսպանություններ բացելու մասին բանակցությունները:
Հետևեք մեզ տելեգրամում
