Վրաստանի ՆԳՆ հայտարարել է, որ օտար երկրի հատուկ ծառայությունների կողմից կիբերհարձակում է եղել Լուգարի լաբորատորիայի վրա: Գերատեսչության տվյալներով, հարձակման թիրախը «բժշկական բնույթի պաշտպանված փաստաթղթերն էին և համավարակի վերաբերյալ կարևոր տեղեկությունը»: Ձեռքբերված տեղեկության մի մասը հայտնվել է արտասահմանյան կայքերից մեկում: Նախարարությունը նշել է, որ կեղծված փաստաթղթերը հրապարակվել են հանրությանը վախեցնելու, անվստահություն տարածելու համար:
Պարզ չէ, թե որ երկրից է եղել հարձակումը, հետաքննություն է տարվում, Վրաստանն օգնության համար դիմել է Արևմուտքի իր գործընկերներին:
Հետևեք մեզ տելեգրամում
