Վրաստանում պատրաստվում են խորհրդարանական ընտրություններին։ Հայաշատ Սամցխե – Ջավախեթի մարզի Ախալքալաք և Նինոծմինդա շրջանների ընտրատարածքում միանգամից 4 հայ թեկնածուներ են առաջադրվել։
Այսպես, ընդդիմադիր «Եվրոպական Վրաստան» կուսակցությունից որպես պատգամավորի թեկնածու է առաջադրվել Նինոծմինդայի ոստիկանության նախկին պետ Արսեն Կարապետյանը։ Մեկ այլ ընդդիմադիր ուժ՝ Վրաստանի երրորդ նախագահ Միխաիլ Սահակաշվիլու «Ազգային շարժում» կուսակցությունը նույն Ախալքալաք-Նինոծմինդա ընտրատարածքում առաջադրել է Մելիք Ռաիսյանի թեկնածությունը։
Իշխող «Վրացական երազանք-Ժողովրդավարական Վրաստան» կուսակցությունը առաջադրել է Սամվել Մանուկյանին, իսկ իշխող կուսակցության անդամ, խորհրդարանում տվյալ ընտրատարածքի ներկա ներկայացուցիչ Հենզել Մկոյանն այս անգամ ինքնաառաջադրվել է՝ որպես անկախ թեկնածու։ Նրա խոսքով՝ նման քայլի է գնացել՝ ընդառաջելով հանրության խնդրանքներին։ Ընտրվեու դեպքում սա կլինի պատգամավորի պաշտոնում Մկոյանի պաշտոնավարման վեցերորդ փուլը։
Բոլոր թեկնածուներն էլ բարձր են գնահատում ընտրություններում հաղթելու իրենց հնարավորությունները։ Նշենք, որ խորհրդարանական ընտրությունները Վրաստանում կանցկացվեն սեպտեմբերի 31-ին։ Երկրում արդեն պաշտոնապես մեկնարկել է նախընտրական քարոզարշավը։
Հետևեք մեզ տելեգրամում
