Վրաստանի խորհրդարանական ընտրություններից 45 օր առաջ Formula TV հեռուստաընկերությունը թարմացրել է ընտրությունների վերաբերյալ սոցհարցումների տվյալները:
Սոցհարցումն իրականացրել Edisson Research ընկերությունը օգոստոսի 25-ից սեպտեմբերի 7-ը, որին մասնակցել է 2850 մարդ:
Հերթական ուսումնասիրությունը ցույց է տվել, որ առաջին հորիզոնականում իշխող «Վրացական երազանք՝ ժողովրդավար Վրաստան» կուսակցությունն է, երկրորդում՝ «Միացյալ ազգային շարժումը», երրորդում՝ ընդդիմադիր «Եվրոպական Վրաստան» կուսակցությունը:
Հիշեցնենք, որ Վրաստանում խորհրդարանական ընտրությունները տեղի կունենան հոկտեմբերի 31-ին: Կառավարություն ձևավորելու համար կուսակցությունը պետք է հավաքի 40,54%-ից ոչ պակաս ձայն: Իշխող «Վրացական երազանք» կուսակցությունը հայտարարել է, որ հաղթելու դեպքում կառավարության ղեկավարը կլինի գործող վարչապետ Գեորգի Գախարիան: «Միացյալ ազգային շարժում» կուսակցության և «Ուժը միասնության մեջ է» ընդդիմադիր քաղաքական միավորման վարչապետի թեկնածուն Վրաստանի նախկին նախագահ Միխեիլ Սաակաշվիլին է:
Հետևեք մեզ տելեգրամում
