Ռուսաստանի Դաշնության նախագահ Վլադիմիր Պուտինի մամուլի խոսնակ Դմիտրի Պեսկովը հայտարարել է, որ հունվար ամսին նախատեսվում է Վլադիմիր Պուտինի այցը Թուրքիա։
Պայմանավորվածությունը ձեռք է բերվել Թուրքիայի նախագահ Ռեջեփ Թայիփ Էրդողանի և Ռուսաստանի նախագահի վերջին հեռախոսազրույցներից մեկի ժամանակ։
Այցը պայմանավորված է «Թուրքական հոսք» գազամուղի շինարարական աշխատանքների ավարտով։ Հունվարին նախատեսվում է իրականացնել «Թուրքական հոսք» գազամուղի բացման արարողությունը, որին էլ կմասնակցի Վլադիմիր Պուտինը։
Այցի ժամկետները կհսատկեցվեն ավելի ուշ։
Դեռևս 2014 թվականին հիմքը դրված «Թուրքական հոսք» նախագծով նախատեսվում է ռուսական բնական գազը հասցնել Թուրքիա, ապա Եվրոպայի հարավ և հարավ-արևելք։ Յուրաքանչյուր հատվածով տարեկան 15.7 մլրդ խորանարդ մետր գազ կմատակարարվի:
Հետևեք մեզ տելեգրամում
