Հայաստանի տարածքում ռուսական ուղղաթիռ է խոցվել։ Այս մասին Սպուտնիկ Արմենիային հայտնել են ռուսական ուժային կառույցներում։
«Ենթադրաբար ռուսական ուղղաթիռը խոցվել է Նախիջևանի կողմից։ Այն ընկել է Հայաստանի տարածքում»,-ասել է ռուսական ռազմական կառույցներում լրատվամիջոցի աղբյուրը։
Լուրը հաստատել է նաև ՀՀ ԱԻՆ-ը՝ հայտնելով, որ նոյեմբերի 9-ին՝ ժամը 18։39-ին, Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղից Պարույր Սևակ գյուղ տանող հատվածում՝ ձորում, ռուսական ուղղաթիռ է ընկել և բռնկվել։ Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։
Հետևեք մեզ տելեգրամում
