Վրաստանի արտաքին գործերի նախարարությունը հայտնել է, որ չի հաստատվել այն տեղեկությունը, թե իբր Ադրբեջանի տարածքում գտնվող վրացական պատմական դամբարանում 12 տոննա ոսկի կա:
Ըստ նախարարության՝ տեղեկությունը ստուգվել է տարբեր աղբյուրներից:
«Ստուգվել են մի քանի աղբյուրներ, այդ թվում տեղաբնակ պատմական սփյուռքի ներկայացուցիչներ, ինչպես նաև մենք կապ ենք հաստատել ադրբեջանական կողմի հետ. աղբյուրներից ոչ մեկը չհաստատեց այդ տեղեկությունը կամ ինչ-որ ապացույցներ չներկայացրեց»,-ասված է ԱԳՆ հաղորդագրության մեջ:
Նշենք, որ վրացական հեռուստաալիքներից մեկը հայտնել էր, որ ադրբեջանական երկու գյուղերում հնագիտական պեղումների ժամանակ վրացական դամբարանում ոսկի է հայտնաբերվել, որից հետո բնակավայրերը փակվել են:
Հետևեք մեզ տելեգրամում
