Թուրքիայի ԱԳՆ պաշտոնական ներկայացուցիչ Թանժու Բիլգիչը հայտարարություն է տարածել Ղրիմի թաթարների և չերքեզների արտաքսման օրվա հետ կապված՝ նշելով, որ Թուրքիան կշարունակի աջակցել Ղրիմի թաթարներին։
«1944թ. մայիսի 18-ի գիշերը 250 հազար Ղրիմի թաթարներ անմարդկայինորեն արտաքսվեցին իրենց հայրենիքից: Միևնույն ժամանակ այդ ողբերգական դեպքերի ժամանակ մահացան Ղրիմի թաթարների մեծ մասը, իսկ կենդանի մնացածները հարկադրված էին ապրել հայրենիքին կարոտած: Թուրքիան կշարունակի աջակցել իր եղբայրներին՝ Ղրիմի թաթարների ճնշումը վերացնելու, նրանց ինքնությունը պաշտպանելու, նրանց բարեկեցությունն ապահովելու համար, ովքեր շարունակում են հանդիպել փորձությունների և դժվարությունների, որոնք առաջացել են Ղրիմի անօրինական բռնակցման հետևանքով»,-ասված է Թուրքիայի ԱԳՆ հայտարարության մեջ:
«Մենք նաև հիշատակում ենք չերքեզների արտաքսման 157-րդ տարելիցը, երբ ցարական Ռուսաստանի ներխուժման պատճառով Կովկասի ժողովուրդը ստիպված էր լքել իր հայրենիքը, ապաստան գտնելով Անատոլիայում՝ կրելով մեծ կորուստներ։ Այս ողբերգության ցավը շարունակում է ապրել մեր կոլեկտիվ հիշողությունում»,–նշված է հաղորդագրությունում։
Հետևեք մեզ տելեգրամում
