ԱՄՆ-ում հակասեմական են համարում Թուրքիայի նախագահ Ռեջեփ Թայիփ Էրդողանի՝ Իսրայելի հասցեին արված վերջին մեկնաբանությունը: Այս մասին ասել է Պետքարտուղարության ներկայացուցիչ Նեդ Փրայսը՝ ավելացնելով, որ Վաշինգտոնը հավատարիմ է հակասեմականության դեմ իր բոլոր դրսևորումներով պայքարին:
«Մենք վճռականորեն կոչ ենք անում նախագահ Էրդողանին և թուրք այլ ղեկավարներին զերծ մնալ սադրիչ հայտարարություններից, որոնք կարող են բռնության պատճառ դառնալ հետագայում: Էրդողանի հայտարարությունը զզվելի էր»,-ասել է Փրայսը՝ հավելելով, որ ԱՄՆ-ը Թուրքիային կոչ է անում միանալ Իսրայելի և Գազայի հատվածի միջև հակամարտության դադարեցման ջանքերին:
Նշենք, որ Պետքարտուղարության ներկայացուցիչը չի պարզաբանել, թե Թուրքիայի նախագահի կոնկրետ որ հայտարարությունն ի նկատի ունի: Ավելի վաղ, Էրդողանը Իսրայելն անվանել էր ահաբեկչական պետություն:
Հետևեք մեզ տելեգրամում
