Ռուսաստանի նախագահ Վլադիմիր Պուտինը Ադրբեջանի նախագահ Իլհամ Ալիևի հետ հեռախոսազրույց է ունեցել, որի ընթացքում քննարկել է Լեռնային Ղարաբաղի խնդիրը՝ շեշտը դնելով տարածաշրջանում անվտանգության ապահովման վրա՝ «2020 թվականի նոյեմբերի 9-ի և 2021 թվականի հունվարի 11-ի եռակողմային հայտարարությունների տառին և ոգուն համապատասխան»: Տեղեկությունը հայտնում է Կրեմլի մամուլի ծառայությունը։
Այս համատեքստում անդրադարձ է կատարվել վերջերս հայ-ադրբեջանական սահմանին տեղի ունեցած միջադեպին։
Նշվում է, որ կողմերը կարծիքներ են փոխանակել երկկողմ օրակարգի առանցքային հարցերի շուրջ:
Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։
Հետևեք մեզ տելեգրամում
