Իրանի նախագահ Հասան Ռոհանին, մեկնաբանելով Իրանի միջուկային ծրագրի շուրջ բանակցությունների ընթացքը, հայտնել է, որ Արևմուտքի ներկայացուցիչները Վիեննայում կայացած բանակցությունների ժամանակ համաձայնվել են չեղարկել Իրանի դեմ հիմնական պատժամիջոցները:
«Պայմանավորվածություն է ձեռք բերվել համաձայնության հիմնական կետերի վերաբերյալ: Արևմուտքի ներկայացուցիչները համաձայնվել են չեղարկել հիմնական պատժամիջոցները՝ նավթի, նավթաքիմիկատների ապրանքների, բեռնափոխադրումների և ապահովագրության, ինչպես նաև Իրանի Կենտրոնական բանկի նկատմամբ պատժամիջոցը: Այժմ քննարկում են ընթանում մի շարք ոչ նշանակալի հարցերի շուրջ»,-ասել է Ռոհանին:
Նշենք, որ մայիսի 19-ին Վիեննայում ավարտվել էր Իրանի պատվիրակության և միջազգային հինգյակի (Ռուսաստան, Մեծ Բրիտանիա, Գերմանիա, Չինաստան և Ֆրանսիա) միջև բանակցությունները Իրանի միջուկային ծրագրի Գործողությունների համատեղ համապարփակ ծրագրի իրականացման շուրջ: Իրանի ԱԳ փոխնախարար Աբբաս Արաղչին նշել էր, որ լավ առաջընթաց են գրանցել:
Հետևեք մեզ տելեգրամում
