Հարավային Օսիայի իշխանությունները որոշել են պատվիրակություն ուղարկել Սիրիա՝ նախագահական ընտրությունները դիտարկելու համար: Այս մասին հայտնել է Հարավային Օսիայի խորհրդարանի խոսնակ Ալան Թադտաևը:
«Պատվիրակությունը Սիրիա է մեկնում որպես միջազգային դիտորդ»,-ասել է Թադտաևը:
Նրա խոսքով, պատվիրակությունը բաղկացած է 6 հոգուց: Նրանք հանդիպումներ կունենան նաև Սիրիայի պաշտոնատար անձանց հետ:
Հիշեցնենք, որ Սիրիայի Արաբական Հանրապետությունում նախագահական ընտրությունները կայանալու են մայիսի 26-ին: Ընտրություններին կմասնակցի 3 թեկնածու՝ Աբդալլահ Սալյում Աբդալլահը, Բաշար Հավեզ ալ-Ասադը և Մահմուդ Ահմադ Մարեյը: Որպես դիտորդ՝ երկրի խորհրդարանը որոշել է պատգամավորների հրավիրել եղբայրական և բարեկամական երկրներից, այդ թվում ՝ Հայաստանից: Ընտրությունները դիտարկելու համար պատվիրակություն ուղարկելու մասին ավելի վաղ հայտնել էր Ռուսաստանը:
Հետևեք մեզ տելեգրամում
