ԱՄՆ միջազգային զարգացման գրասենյակը (USAID) Վրաստանին հատկացրել է 67 մլն դոլարի չափով դրամաշնորհ՝ այն հետագայում 330 մլն դոլարի հասցնելու հնարավորությամբ՝ երկրում մի շարք բարեփոխումներ իրականացնելու համար:
«Այսօր մենք շատ կարևոր դրամաշնորհային համաձայնագիր ենք ստորագրել մեր ռազմավարական գործընկեր ԱՄՆ-ի հետ: Վրաստանում կայուն զարգացմանը նպաստելու համաձայնագրի նպատակն է ստեղծել բարձր վարձատրվող և որակյալ աշխատատեղեր, ուժեղացնել կառավարության հաշվետվողականությունը և ամրապնդել ժողովրդավարական ձեռքբերումները»,-ասել է Վրաստանի վարչապետ Իրակլի Ղարիաբաշվիլին:
Նրա խոսքով, գումարն ուղղվելու է տնտեսության, ազատ շուկայի, «երկրի արևմտյան ուղղությամբ» զարգանալուն, ինչպես նաև գյուղատնտեսությանը, հակամարտությունների կարգավորումներին, օրենքի գերակայության ամրապնդմանը, մարդու իրավունքների պաշտպանությանը, ժողովրդավարության կատարելագործմանը, հիմնարար կրթությանը, սոցիալական ծառայություններին և շրջակա միջավայրի պահպանությանը:
Հետևեք մեզ տելեգրամում
