ԱՄՆ վարչակազմը լրացուցիչ 436 մլն դոլար կհատկացնի սիրիացի փախստականներին օգնություն ցուցաբերելու համար: Այս մասին հայտարարել է ԱՄՆ պետքարտուղար Էնթոնի Բլինքենը՝ Հռոմում ահաբեկչական «Իսլամական պետություն» կազմավորման դեմ պայքարի միջազգային կոալիցիայի նախարարների հանդիպման ժամանակ:
«ԱՄՆ-ը հավելյալ 436 մլն դոլարի հումանիտար օգնություն կտրամադրի սիրիացի փախստականներին և այն համայնքներին, որոնք ընդունում են այդ փախստականներին: Նման կերպ ԱՄՆ-ի ընդհանուր ներդրումը կկազմի 13.5 մլրդ դոլար»,-ասել է Բլինքենը:
Նրա խոսքով, Սիրիայում և այն երկրներում, որտեղ գործող է ԻՊ-ը, օգնությունն ու կայուն վիճակը կոալիցիայի գործունեության առաջնահերթություններից մեկն է: Նա նաև ընդգծել է Սիրիայում և Իրաքում ԻՊ-ի մնացյալ տարրերի դեմ պայքարի կարևորությունը, որպեսզի թույլ չտան դրանց աճը:
Հետևեք մեզ տելեգրամում
