Հոկտեմբերի 20-ին Սիրիայի հարավում գտնվող ամերիկյան ռազմաբազան ենթարկվել է հարձակման: Ամերիկացի զինծառայողներ չեն տուժել: Alarabiya News-ի փոխանցմամբ՝ այս մասին ամերիկացի պաշտոնյաները հայտնել են Reuters-ին:
Պաշտոնյան, ով նախընտրեց մնալ անանուն, վստահեցնում է, որ դեռ վաղ է ասել՝ ով է հարձակման համար պատասխանատու:
Սակայն տեղի ուժերը պնդում են, որ ԱԹՍ-ն եկել է Իրաքից, իսկ ռազմաբազային պատճառվել է միայն նյութական վնաս, տեղեկացնում է BBC-ի թղթակիցը:
JerusalemPost-ը գրում է, որ Իրանի կողմից հովանավորվող ուժերը հաճախակի ԱԹՍ-ներով և հրթիռներով հարվածներ են հասցրել ամերիկյան զինված ուժերին Իրաքում և Արևելյան Սիրիայում: ԱԹՍ-ները հավանաբար կառուցվել են Իրանում և տեղափոխվել Իրաք:
Նշենք, որ ԱՄՆ-ն ունի մոտավորապես 900 զինվորականներից կազմված զինված ուժեր Սիրիայում, որոնց մեծ մասը տեղակայված են Ալ-Թանֆ ռազմաբազայում: Ռազմաբազան կարևոր ռազմավարական դիրք է զբաղեցնում՝ գտնվելով Իրաքի և Հորդանանի հետ սահմանին: Այն հիմնվել է 2016 թվակակնին՝ պայքարելու ԻԼԻՊ-ի զինյալների դեմ, որոնք վերահսկում էին Սիրիայի՝ Իրաքի հետ սահմանակից արևելյան հատվածները: Ալ-Թանֆը ամերիկյան ռազմական ներկայության միակ ամենակարևոր դիրքն է:
Հետևեք մեզ տելեգրամում
