Նոյեմբերի 5-ին Թուրքիայի զինված ուժերը և թրքամետ սիրիական խմբավորումները հրթիռակոծել է Սիրիայի քրդերի վերահսկողության տակ գտնվող Ալ-Հասաքա նահանգը՝ թիրախավորելով Թալ Թամր և Աբու Ռասին քաղաքները, գրում է SANA-ն:
Տուժաների մասին ոչինչ չի հաղորդվել:
Մարդու իրավունքների սիրիական դիտարանը (SOHR) նախորդ օրը՝ նոյեմբերի 4-ին հաղորդել էր, որ թուրքական ուժերը Թալ Թամր քաղաքի արվարձանում գտնվող գյուղերը ռմբակոծության են ենթարկել: Տուժածների մասին կրկին ոչինչ չի նշվել:
Նշենք՝ SOHR-ը նաև տեղեկացրել էր, որ նոյեմբերի սկզբին ռազմական նոր ուժեր են տեղակայվել Հասաքա նահանգում: Հատկապես Թալ Թամր և Աբու Ռասինի դիրքերը համալրվել են նոր տեսակի սպառազինություններով, հրթիռներով, ծանր գնդացիրներով, ինչպես նաև հատուկ նշանակության ուժերից մի խումբ մարտիկներով:
Հավելենք, որ վերջին շաբաթվա ընթացքում, թուրքական մամուլը նույնպես պարբերաբար խոսում էր Սիրիայում Թուրքիայի հնարավոր նոր ռազմական գործողության մասին քրդական ուժերի դեմ, որոնց Անկարան համարում է ահաբեկիչներ:
Հետևեք մեզ տելեգրամում
