Վրաստանի փոխվարչապետ, արտաքին գործերի նախարար Դավիթ Զալկալիանին Բրյուսելում Արևելյան գործընկերության ԱԳ նախարարների հանդիպման շրջանակներում հանդիպում է ունեցել Ադրբեջանի և Հայաստանի արտգործնախարարների հետ, հայտնել է Վրաստանի ԱԳՆ մամուլի ծառայությունը:
«Վրաստանի փոխվարչապետ Դավիթ Զալկալիանին ևս մեկ անգամ նշել է տարածաշրջանում կայունության և խաղաղության ամրապնդման և հարևան երկրների միջև լարված իրավիճակի թուլացման կարևորությունը»,- ասված է հաղորդագրությունում։
Զալկալիանին հաստատել է, որ Թբիլիսին պատրաստ է բոլոր ջանքերը գործադրել տարածաշրջանում խաղաղության և կայունության պահպանման համար։
Հետևեք մեզ տելեգրամում
