Դեկտեմբերի 13-ին Իրանի ԱԳՆ-ը հայտարարություն է տարածել, որով դատապարտել է տարածաշրջանում Իսրայելի ներկայության հաստատման փորձերը:
Իրանի ԱԳՆ-ը հայտարարել է, որ տարածաշրջանում Իսրայելի ներկայությունը հակասում է արաբական և իսլամական պետությունների շահերին՝ նրա դերը համարելով կործանարար:
Արտգործնախարարությունը նաև նշել է, որ մի շարք երկրների կողմից Իսրայելի հետ հարաբերությունների վերականգնումը դեմ է Պաղեստինի ժողովրդի շահերին՝ հավելելով, որ տարածաշրջանում խնդիրների պատասխանատուն Իսրայելն է և այն արաբական ու մուսուլմանական աշխարհի համար մեկ թշնամին է:
Նշենք, որ այս հայտարարությանը նախորդել էր Իսրայելի վարչապետ Նաֆթալի Բեննեթի առաջին պաշտոնական այցը ԱՄԷ, որի արդյունքում կողմերը համաձայնության են եկել խորացնել երկու երկրների միջև համագործակցությունը տարբեր ոլորտներում:
Հետևեք մեզ տելեգրամում
