Միացյալ Նահանգները ողջունել է Եվրոպական խորհրդի աջակցությամբ 10 հայ ռազմագերիների ազատ արձակումը։ Այս մասին Twitter-ի իր էջում հայտնել է Պետքարտուղարության մամուլի ծառայության ղեկավար Նեդ Փրայսը:
«Մենք ողջունում ենք դեկտեմբերի 19-ին Ադրբեջանիկ կողմից կալանավորված 10 հայ զինվորականների ազատ արձակումը՝ ԵՄ աջակցությամբ: Կոչ ենք անում արագ ազատ արձակել մնացած բոլոր կալանավորներին»,- գրել է Փրայսը:
Նշենք, որ դեկտեմբերի 19-ին Եվրոպական խորհրդի նախագահ Շառլ Միշելի միջնորդությամբ 10 ռազմագերիներ վերադարձել են հայրենիք։
Հետևեք մեզ տելեգրամում
