ՀԱՊԿ պատասխանատվության ոլորտում լարվածության նվազում չի նկատվում, մենք շարունակում ենք բախվել նոր տիպի սպառնալիքների, ՀԱՊԿ Հավաքական անվտանգության խորհրդի նիստում ասել է ՀՀ վարչապետ Նիկոլ Փաշինյանը։
«Ղազախստանում տիրող իրավիճակը հատկապես մտահոգիչ է՝ կապված միջազգային ահաբեկչական կազմակերպությունների ներգրավվածության մասին տեղեկատվության հետ։ Ոչ վաղ անցյալում մենք ինքներս բախվել ենք մեր տարածաշրջանում օտարերկրյա ահաբեկիչների ի հայտ գալուն», – ասաց նա։
Փաշինյանի խոսքով՝ ՀԱՊԿ-ում Հայաստանի նախագահության առանցքային առաջնահերթություններից է Կազմակերպության ճգնաժամային արձագանքման մեխանիզմների ուժեղացումը։
«Ելնելով դրանից՝ մենք ակնկալում ենք, որ ՀԱՊԿ պետությունները համատեղ ջանքեր կգործադրեն մեխանիզմների հետագա կատարելագործման համար, ինչը կծառայի կազմակերպության համապատասխան կառույցների և մեխանիզմների ամրապնդմանը», – ասել է ՀՀ վարչապետը։
Հետևեք մեզ տելեգրամում
