ԱՄՆ զինված ուժերը չորեքշաբթի հայտնել են Կարիբյան ծովում նավի ուղղությամբ հարված հասցնելու մասին, որի հետևանքով երեք մարդ է զոհվել։ Այս մասին հայտնել է «Reuters»-ը։
ԱՄՆ իշխանությունները պնդել են, որ դրանց թիրախում «նարկոահաբեկիչներն» են, մինչդեռ «Reuters»-ի փոխանցմամբ, իրավապաշտպան կազմակերպությունները դրանք որակում են որպես արտադատական սպանություններ։
ԱՄՆ Հարավային հրամանատարությունը X սոցիալական ցանցում հայտնել է, որ «մահաբեր կինետիկ հարված է հասցրել Կարիբյան ծովում՝ թմրամիջոցների ապօրինի շրջանառության հայտնի երթուղիներով ընթացող արագընթաց նավին»։ Հրամանատարությունը, հղում անելով «հաստատված հետախուզական տվյալներին», պնդել է, որ նավն ակտիվորեն ներգրավված է եղել թմրամիջոցների ապօրինի շրջանառության մեջ՝ չներկայացնելով լրացուցիչ մանրամասներ։
Նշենք, որ ԱՄՆ նախագահ Դոնալդ Թրամփի վարչակազմը հայտարարել էր, որ 2025 թվականի սեպտեմբերից հարվածների ենթարկված նավերով թմրամիջոցներ են փոխադրվել։ Կարիբյան ծովում և Խաղաղ օվկիանոսի արևելյան հատվածում նման նավերի դեմ ԱՄՆ զինված ուժերի գործողությունների հետևանքով զոհվել է ավելի քան 220 մարդ։
Հետևեք մեզ տելեգրամում
