Ադրբեջանն արգելել է Ուկրաինայի ներքին գործերի նախարարության աշխատակցուհու մուտքը Բաքու՝ հայկական ծագման պատճառով։ Մերի Հակոբյանը պետք է մասնակցեր Արևելյան Գործընկերության երկրների համար Եվրամիության կողմից հունվարի 13-16-ին Բաքվում կազմակերպված «Կոնֆլիկտների վերլուծություն» թեմայով սեմինարին։
Մերի Հակոբյանն ընդգրկվել էր Ուկրաինայի պատվիրակության կազմում, քանի որ Ուկրաինայի ՆԳՆ միջազգային համագործակցության և եվրոպական ինտեգրման բաժնի տնօրենն է: Նրա թեկնածությունը հաստատվել էր Ուկրաինայի ՆԳՆ-ի և միջոցառման կազմակերպիչների կողմից, պատվիրակության անդամն անցել էր օնլայն–նախապատրաստական կուրս, ստացել էլեկտրոնային ավիատոմսերը։
Բայց միջոցառման նախօրեին ադրբեջանական կողմը ծանուցում է ուղարկել Ուկրաինայի ՆԳՆ առ այն, որ պատվիրակության անդամներից մեկը իր հայկական ծագման պատճառով չի կարող մասնակցել Բաքվում անցկացվող միջոցառմանը։
Ուկրաինայի ՆԳՆ-ն դիմել է Եվրամիության դեսպանատուն՝ խնդրելով հետագայում զերծ մնալ նման միջոցառումները Ադրբեջանի տարածքում անցկացնելուց:
Հետևեք մեզ տելեգրամում
