Սաուդյան Արաբիան և Չինաստանը բանակցություններ են վարում նավթի մի մասի վաճառքը չինական յուան արտարժույթով իրականացնելու համար: Այս մասին գրել է ամերիկյան The Wall Street Journal (WJS) թերթը:
Թերթի տեղեկացմամբ՝ սաուդա-չինական բանակցությունները ձգտվում են գրեթե 6 տարի, սակայն Ռիյադի և Վաշինգտոնի միջև լարվածության ֆոնին կարող են հաջողություն գրանցել:
Նախորդ օրը WJS-ն հայտնել էր, որ թագաժառանգ Մուհամմադ բըն Սալմանը Չինաստանի նախագահ Սի Ցզինպինին հրավիրել է Սաուդյան Արաբիա: Նախատեսվում է, որ այցը կկայանա մայիսի վերջին:
Նշենք, որ թեև ամերիկյան դոլարը համաշխարհային առևտրի՝ հատկապես նավթի շուկաներում փոխանակման առաջատար արժույթն է, սակայն այլ արժույթներ ևս, ինչպիսին է չինական յուանը, նույնպես առաջընթաց են գրանցել արտասահմանյան գործարքներում:
Հետևեք մեզ տելեգրամում
