Իսրայելի արտգործնախարար Յաիր Լապիդը հեռախոսազրույց է ունեցել ուկրաինացի իր պաշտոնակից Դմիտրի Կուլեբայի հետ:
Իսրայելի արտգործնախարարի խոսքով՝ հեռախոսազրույցը «երկար» է տևել և ընթացել է «դրական» միջավայրում:
Լապիդը Կուլեբային տեղեկացրել է որպես միջնորդ հանդես գալու և մարդասիրական աջակցություն տրամադրելու Իսրայելի շարունակական ջանքերի մասին:
Ուշագրավ է, որ Ուկրաինայի արտգործնախարարը ռուս-ուկրաինական ճգնաժամի մեկնարկից ի վեր մերժել է արտգործնախարար Յաիր Լապիդի հեռախոսազանգերը Իսրայելի համեմատաբար չեզոք դիրքորոշման պատճառով:
Նշենք, որ Ուկրաինայում Ռուսաստանի կողմից իրականացվող հատուկ ռազմական գործողության մեկնարկից ի վեր Իսրայելի բարձրաստիճան պաշտոնյաները մի շարք հեռախոսազրույցներ են ունեցել իրենց ռուս պաշտոնակիցների հետ:
Հետևեք մեզ տելեգրամում
