Եգիպտոսում ՀՀ դեսպան Հրաչյա Փոլադյանն իր հավատարմագրերը հանձնել է Եգիպտոսի Արաբական Հանրապետության նախագահ Աբդել Ֆաթթահ աս-Սիսիին: Այս մասին հաղորդագրություն է տարածել ՀՀ արտգործնախարարությունը։
«Կարճատև զրույցի ընթացքում ՀՀ դեսպանը նախագահ աս-Սիսիին փոխանցել է ՀՀ նախագահ Վահագն Խաչատուրյանի ջերմ ողջույններն ու բարեմաղթանքները։
Դեսպան Փոլադյանը նշել է, որ հայկական կողմը մեծ ակնկալիքներով է սպասում Եգիպտոսի առաջնորդի՝ Հայաստան պաշտոնական այցին։ Պատասխան խոսքում Եգիպտոսի նախագահը նշել է, որ կօգտվի ընձեռած հնարավորություններից՝ այցելելու Հայաստան»,- նշված է ՀՀ ԱԳՆ-ի հաղորդագրությունում:
ՀՀ ԱԳՆ-ի հաղորդմամբ՝ Եգիպտոսի նախագահ աս-Սիսին բարձր է գնահատել հայ-եգիպտական ավանդական բարեկամական հարաբերությունները և հաջողություն մաղթեց ՀՀ դեսպանին իր առաքելության մեջ:
Հետևեք մեզ տելեգրամում
