Ադրբեջանում կայացել է ԱՄՆ տարածաշրջանային դիվանագիտական առաքելությունների ղեկավարների հանդիպում:
Հանդիպմանը մասնակցել են Ադրբեջանում, Վրաստանում և Հայաստանում ԱՄՆ դեսպաններ Լիցենբերգերը, Դեգնանը և Թրեյսին, պետքարտուղարի օգնականի տեղակալ Օլսոնը, ԱՄՆ Պետդեպարտամենտի՝ Կովկասում բանակցությունների հարցերով գլխավոր խորհրդական Էնդրյու Շոֆերը և Եվրոպայի ու Եվրասիայի համար ԱՄՆ աջակցության համակարգողի պաշտոնակատար Գրեգ Նաարդենը:
«Տարածաշրջանից և Վաշինգտոնից գործընկերները հավաքվել էին կարծիքներ և տեղեկատվություն փոխանակելու համար: Նշելով Ադրբեջանի, Վրաստանի և Հայաստանի հետ ԱՄՆ դիվանագիտական հարաբերությունների 30-ամյակը՝ մենք ընդգծում ենք մեր գործընկերային հարաբերություններն ամրապնդելու և Հարավային Կովկասի ժողովուրդների համար ավելի ապահով, կայուն և բարգավաճ ապագա ապահովելու մեր հանձնառությունը»,- նշված է Ադրբեջանում ԱՄՆ դեսպանատան տարածած հաղորդագրության մեջ:
Ըստ հաղորդագրության՝ Երևանում, Բաքվում և Թբիլիսիում ավելի վաղ ևս համանման միջոցառումներ էին անցկացրել:
Հետևեք մեզ տելեգրամում
