Իրանի նախագահ Էբրահիմ Ռայիսին հեռախոսազրույց է ունեցել Թուրքիայի պաշտոնակից Ռեջեփ Թայիփ Էրդողանի հետ: Տեղեկությունը փոխանցում է իրանական ISNA լրատվամիջոցը:
Շնորհավորելով Ֆատրի տոնի կապակցությամբ՝ Ռայիսին ընդգծել է «իսլամական երկրների և միջազգային կառույցների օժանդակությամբ Պաղեստինի ժողովրդի դեմ սիոնիստական ռեժիմի անմարդկային հարձակումները դադարեցնելու» անհրաժեշտությունը:
Ռայիսին շեշտել է, որ Իրանը ցանկանում է խորացնել բազմակողմ հարաբերությունները Թուրքիայի հետ:
Էրդողանն իր հերթին ընդգծել է, որ Իրան այցելելու ցանկություն ունի:
Նրա խոսքով՝ Անկարան ցանկանում է այդ այցի ընթացքում երկկողմ հարաբերություններին, տարածաշրջանային և միջազգային զարգացումներին առնչվող հարցեր քննարկել:
Հետևեք մեզ տելեգրամում
