Իրանի Իսլամական հեղափոխության պահապանների կորպուսի (ԻՀՊԿ) սպային սպանել են Թեհրանի կենտրոնական փողոցներից մեկում։ Այս մասին հայտնում է IRNA գործակալությունը՝ վկայակոչելով ԻՀՊԿ մամուլի ծառայությանը։
Նշվում է, որ սպանված գնդապետը Սայյադ Խոդային է։ Մահափորձի պահին նա ավտոմեքենայով տուն էր գնում։ Ավտոմեքենային մոտոցիկլետով երկու մարդ է մոտեցել և կրակել։ Նրանք 5 փամփուշտ են արձակել ԻՀՊԿ սպայի վրա։
ԻՀՊԿ-ն միջադեպը որակել է որպես ահաբեկչություն:
Իրանի նախագահ Էբրահիմ Ռաիսին ցավակցություն է հայտնել գնդապետ Սայյադ Խոդայիի սպանության կապակցությամբ և խոստացել է վրեժ լուծել սպանության համար:
Հետևեք մեզ տելեգրամում
