Թուրքիայի արտգործնախարար Մևլութ Չավուշօղլուն երեքշաբթի երկօրյա այցով ժամանելու է Իսրայել: Տեղեկությունը հայտնել է Իսրայելի ԱԳՆ-ը:
Նախատեսվում է, որ Չավուշօղլուն Իսրայել է ժամանելու երեքշաբթի և հանդիպելու է Պաղեստինյան ինքնավարության նախագահ Մահմուդ Աբբասի հետ:
Ըստ օրակարգի՝ հաջորդ օրը թուրք արտգործնախարարը հանդիպելու է Իսրայելի ԱԳ նախարար Յաիր Լապիդի հետ: Ավելի ուշ նախարարները հանդես կգան համատեղ հայտարարությամբ:
The Times of Israel պարբերականի տեղեկացմամբ՝ Չավուշօղլուն պետք է Իսրայել այցելեր ապրիլին, սակայն այցը հետաձգվեց, քանի որ Իսրայելը ցանկանում էր խուսափել Ռամադանի ընթացքում Երուսաղեմում տիրող լարված իրավիճակի հետագա բորբոքումից։ Ռամադան ամսվա ընթացքում Երուսաղեմում գրեթե ամեն օր բախումներ էին տեղի ունենում ոստիկանության և պաղեստինցիների միջև:
Նշենք, որ Երուսաղեմի և Անկարայի միջև հարաբերությունները վերջին շրջանում ջերմացել են և Չավուշօղլուի այցը կլինի վերջին տարիների ընթացքում թուրքական կառավարության նման բարձրաստիճան գործչի առաջին այցն Իսրայել:
Հետևեք մեզ տելեգրամում
