Պաշտոնական Կրեմլը հաստատել է, որ Ռուսաստանի և Թուրքիայի նախագահներն այսօր հեռախոսային բանակցություններ կանցկացնեն։ Այս մասին այսօր հայտարարել է Ռուսաստանի նախագահի մամուլի քարտուղար Դմիտրի Պեսկովը:
Նա, սակայն, հերքել է մամուլում ավելի վաղ տեղ գտած այն ենթադրությունները, որոնց համաձայն՝ Թուրքիայի և Ռուսաստանի ղեկավարների բանակցություններին կարող է մասնակցել նաև Ուկրաինայի նախագահ Վլադիմիր Զելենսկին։
«Գործընկերները շատ են հարցնում, թե որքանո՞վ է հավանական զրույցի եռակողմ ֆորմատը։ Մենք, սակայն, պարզաբանել ենք, որ խոսքը Պուտինի Էրդողանի երկկողմ զրույցի մասին է», – հայտարարել է Պեսկովը։
Հետևեք մեզ տելեգրամում
