Սիրիայի արտաքին գործերի նախարարությունը հայտարարություն է տարածել, համաձայն որի՝ դատապարտում է Թուրքիայի ռազմական գործողությունները Սիրիայի հյուսիսում՝ դրանք որակելով որպես պատերազմական և մարդկության դեմ ուղղված հանցագործություններ:
«Սիրիայի Արաբական Հանրապետությունը դատապարտում է մի քանի օր առաջ երկրի հյուսիս-արևելյան շրջաններում սկսված թուրքական օկուպացիոն գործողությունները, որոնք խլել են բազմաթիվ խաղաղ բնակիչների կյանք, մեծ կորուստներ են պատճառել պետական և մասնավոր գույքին, տեղահանվել տասնյակ ընտանիքներ»,- նշված է հայտարարության մեջ:
Աղբյուրը հավելում է, որ Սիրիայի տարածքներում այսպես կոչված «անվտանգության գոտի» ստեղծելու թուրքական վարչակարգի փորձը ագրեսիայի չարամիտ գործողություն է և այն աշխարհագրական և էթնիկ զտումների մի մասն է, որն իրականացնում է Ռեջեփ Թայիբ Էրդողանի կառավարությունը Սիրիայի օկուպացված տարածքներում:
ԱԳՆ-ը հաստատել է, որ Սիրիայի ինքնիշխանությունը, անկախությունը և տարածքային ամբողջականությունը շանտաժի կամ սակարկության առարկա չեն դառնալու թուրքական ծայրահեղական վարչակարգի կողմից:
Հետևեք մեզ տելեգրամում
