Սիրիայի Դեր Զոր նահանգում զինյալները հարձակվել են քաղաքացիական ավտոբուսի վրա, ինչի հետևանքով սպանվել է 3 մարդ, վիրավորվել՝ 21-ը: Տեղեկությունը հայտնում է Սիրիայի պետական հեռուստատեսությունը։
Ըստ տեղեկությունների՝ ավտոբուսը հարձակման է ենթարկվել Սիրիա-Իրաք սահմանի Դեր Զոր նահանգի Ալ-Շուլա շրջանում: Սակայն չի հաղորդվել, թե ինչպիսի զինատեսակների կիրառմամբ է իրականացվել հարձակումը:
Լրացուցիչ այլ մանրամասներ չեն հաղորդվել, իսկ հարձակման պատասխանատվության մասին դարձյալ ոչինչ չի նշվել: Սակայն Դեր Զոր նահանգի զգալի շրջաններ ավելի վաղ «Իսլամական պետություն» ահաբեկչական կազմակերպության վերահսկողության ներքո էին գտնվում:
Հետևեք մեզ տելեգրամում
