Բեյրութում ՀՀ դեսպանը հանդիպել է Լիբանանի խորհրդարանի նախագահին

128

Հունիսի 8-ին Բեյրութում դեսպան Վահագն Աթաբեկյանն այցելել է Լիբանանի խորհրդարանի նախագահ Նաբիհ Բըրրին: Այս մասին տեղեկացնում է ՀՀ դեսպանատունը:

Դեսպան Աթաբեկյանը շնորհավորել է Բըրրին այդ բարձր պաշտոնում վերընտրվելու կապակցությամբ։

Հաղորդվում է, որ կողմերը քննարկել են ավանդական բարեկամական ամուր հիմքերի վրա գտնվող միջխորհրդարանական կապերի հետագա խորացման հեռանկարները։

Զրուցակիցները նաև մտքեր են փոխանակել երկկողմ և տարածաշրջանային օրակարգի մի շարք հարցեր վերաբերյալ։