Սիրիայի և Ռուսաստանի օդային զինված ուժերը համատեղ զորավարժություն են իրականացրել Սիրիայում:
Զորավարժության ընթացքում կիրառվել են ռուսական «SU-35» դասի երկու կործանիչներ և սիրիական «MiG-23» դասի վեց ինքնաթիռներ, որոնք դիմակայել են «թշնամական մտացածին ինքնաթիռներին և անօդաչու թռչող սարքերին»:
SANA-ի տեղեկացմամբ՝ երկու երկրների զինված ուժերը նաև համատեղ պարեկություն են իրականացրել Գոլանի բարձունքների երկայնքով, ինչպես նաև Սիրիայի հյուսիսային, արևելյան և հարավային շրջաններում:
Նշենք, որ օրեր առաջ սիրիական լրատվամիջոցները տեղեկացրել էին, որ Գոլանի բարձունքներից Իսրայելը հրթիռներ էր արձակել Դամասկոսի ուղղությամբ և թիրախավորել մայրաքաղաքի հարավային որոշ դիտակետեր:
Հետևեք մեզ տելեգրամում
